13.08.2020

To’n Toluustern un Mitsingen – nich blots in Corona-Tieden

An’t Enn vun’t verleden Johr hett Dreebladd her sösste CD vörstellt – mit Leder ut Oostfreesland vun Gitta un Udo Franken. Wind un Water geevt in’n Noorden den Levenstakt vör, un se hebbt dat Land sein Gesicht geven, mit Diek un Dünen, mit Eiland un Strand. Melancholisch vertellt de Stücken vun Leevde un Sik-Vertoen, fraagt na dat, wat achter dat Tohoopleven stickt. Un dor höört ok dat Lengen na en betere Welt mit to. De Grundrhythmus bi düsse Musik blifft meisttiets desülvige.

De meisten Texten un de Musik hebbt Gitta un Udo Franken tohoop schreven. Af un an klingt mal Greta Schoon mit an. En poor ne’e Versionen gifft dat vun „Blowing in the Wind“, „Banks of the Ohio“ un „Plaisir d’amour“. Een Stück is na Storm. Un Klaus Groth sien “De Möhl” hett en oostfreeschen Tungenslag kregen un heet nu “Dat is all so still” – man dat Gitarrenspeel is bannig dicht bi Hannes Wader.

Dreebladd hett all Termine för 2020 afseggt. Man en en poor Stücken hebbt se bi YouTube rinstellt – dor kann een al mal rinluustern:

https://youtu.be/nLruOjZPi4cÂ

https://youtu.be/o7omeTXfx0w

youtu.be/Zp1yjVDlJDQ

https://youtu.be/ugzBtymqk2gÂ

https://youtu.be/I1NMh1U-EPs

https://youtu.be/9zdDDT7nXwI

https://www.youtube.com/results?search_query=Dreebladd

https://youtu.be/06ASyAWkrcs

 

Gitta Franken – Dreebladd: Wiede – Wind un Water ... 2019.
Allens to bestellen bi: www.dreebladd.de