12.12.2020

Sünst fehlt di wat

Moot maken un Hölp geven - dat will de Landkreis Ollenborg ok mit dat ne'e Heft. Bunte Listen mit Wöör un Snacks, mit de een eerstmal mit Platt loslopen kann. Alldag, Gode Wünsch, Weer un Johrstieden, Tahlen, Huus un Hoff, Familie un anner Lüüd, School, Leven bet to'n Dood.

In so'n lütt Heft kann een nich dat hele Alldagsleven infangen. Af un an kummt de Jux-Siet, de de plattdüütsche Spraak ja so geern andicht warrt, en beten dull dör. Woans Poos oder beömmeln op de Listen kaamt, is nich kloor. Ok is Kaff op Platt keen "kleiner Ort". Dor finnt sik Wöör, de dat blots in Oostfreesland gifft un so'n ut Schleswig-Holsteen - Düt un dat, vun allens wat.

Achter de lütten Heften vun den Landkreis Ollenborg stickt en gode Idee un veel Wumm, den hier Friedrich Ahlers un Hella Einemann-Gräbert bistüert. En lütt beten mehr Achtergrund ut de Spraakwetenschaft harr nich schaadt.

 

Snack Platt, sünst fehlt di wat. Hrsg. vom Landkreis Oldenburg. Autoren: Friedrich Ahlers und Hella Einemann-Gräbert. Für die Nordwest-Zeitung, Oldenburg: Ricarda Pinzke (Gestaltung), Gaby Schneider-Schelling (Koordination).

Zu bestellen unter: Landkreis Oldenburg: kultur@oldenburg-kreis.de

« Zurück