16.09.2020

Smüüstern un Högen

32 Vertellen un Vertell-Gedichten, opschreven in een Oort, as wi dat meist blots ut Mekelborg kennt – dat maakt düt Book ut. Dat geiht üm dat, wat een so beleven kann, man dat geiht ok üm snaaksche un vagelige Lüüd. De junge Fro, de mit de Tung anstött, de Mann, de allens antwieveln deit, de Dokter mit verdreihte Ideen, Mann un Fro, Arbeitskollegen, Schooltiet. Dat allens ut uns Tiet un ut de „dunnemalige“ oder „ehrgüstrige“ DDR.

Na en Reeg hoochdüütsche Böker bringt de Schriever nu sien eerst Book op Platt rut. Sien Hart sleit in Mekelborg, ok wenn em dat na Wandlitz in Brannenborg spöölt hett. Vun Profeschoon weer de Mann Dipl.-Ing. för Elektrotechnik.

Hanns-Eckard Sternberg süht sik sülvst in een Linie mit Reuter, Tarnow, Brinckman un Gillhoff.

 

Hanns-Eckard Sternberg: Anschäten, Engel! Wat taun Smüüstern un lütt bäten wat taun Hœgen. Book on Demand : Norderstedt 2020, 80 S.

ISBN: 978-3-75193-146-5