04.03.2021

Reuter siene Sporen

Wat för en Idee: En Book över den Landkreis Mecklenburgische Seenplatte mit nix anners as Fritz Reuter in’n Blick. Dor lehrt een dat Land nee kennen, man dor lehrt een ok Fritz Reuter noch mal wedder nee kennen: Wat hett he in Jabel maakt, wat in Alt Rehse? In Rittermannshagen jedenfalls hett he Louise Kunze besöcht, twüschen 1845 un 45, as he ehr noch nich freet harr. Un dorto Biller, Hüüs, Minschen, Denkmalen, Inschriften – as de op de Tafel an dat fröhere Hotel Deutsches Haus in Altentreptow. Dor steiht to lesen: “Fritz Reuters Stammlokal 1850 – 1856”.

De so’n Book över dat Reuter-Land, dat Reuter-Leven un de Reuter-Literatur blots schrieven kunn, dat is Arnold Hückstädt. De Mann kennt sik ut. Un dat de Literatur-Fründ dat ok allens finnen kann, dorför gifft dat en Landkoort un dree Stadtplaans.

Dat Book tellt as kikut-Sonderheft, rutgeven hett dat de Fritz Reuter Gesellschaft. Weer aver nich verkehrt ween, wenn dor een bigahn weer un en lütt beten beter Korrektur leest harr.

 

Arnold Hückstedt: Unterwegs im Fritz-Reuter-Land. Kleiner Führer zu Erinnerungsorten und literarischen Schauplätzen Fritz Reuters im Landkreis Mecklenburgische Seenplatte. Hrsg. von der Fritz Reuter Gesellschaft. Druck und Endverarbeitung: Steffen Media, Friedland 2021, 83 S.

ISBN 3-910030-17-3