15.10.2020

Mehr as een Gedicht

Gifft Themen, de kann een nich in een Gedicht rinpacken, dor bruukt een denn dree oder fief oder teihn Gedichten för. Hans-Hermann Briese is dat as Schriever mehr as eenmal so gahn. Un denn hett he de Saak vun en anner Kant ankeken. Un vun noch en anner. 28 Gedicht-Zyklen hett he bet nu tohoopstellt. 14 dorvun kann een nu in düt Book nalesen.

Jümmers is dat uns Leven, wat den Schriever ümdrifft. Woso löppt dat Leven jüst so, as dat löppt? Kunn, schull, müss dat nich heel anners ween. Luut un liesen , dicht bi un vun wiet weg maal Briese Biller vun uns Tiet, mit Biller un Klören , mit Muern un Völkermoord.

Woneem steiht de Minsch? Wat liggt in sein Hand? Un wo kümmt Gott in’t Speel? Antwoorten hett Hans-Hermann Briese nich. Man mit siene Fragen stött he wat an.

 

Hans-Hermann Briese: Klören. 14 Zyklen. Diesel-Verlag : Emden 2020, 118 S.

ISBN: 978-3-934835-42-9