20.11.2020

Hunnert Johr Theater

Hunnert Johr plattdüütsch Theater in Flensborg – wenn dat keen Grund to’n Fiern is! Dat hebbt sik de Tostännigen dacht, un wat dorbi rutkamen is, kann sik sehn laten. Bi’t Dörkieken blievt de Ogen jümmers wedder an de wunnerboren Biller behangen, an de een de Geschicht vun’t plattdüütsche Theaterspelen – un dat nich blots in Flensborg – aflesen kann.

De Leestexten hett de Journalist Lars Geerdes schreven. Se wiest, wo veel an Tietgeschicht in de Theatergeschicht steken deit. Vun’t völkische Denken, vun “Gleichschaltung” un Faschismus bet hen na de Geldsorgen in uns Tiet. Un jümmers wedder grote Namen, de den Kurs vörgeven hebbt: Jens Exler, de Wempners, Konrad Hansen, Rolf Petersen 

In’t Vörjohr al schull de Theater-Chronik rutkamen. Denn keem Corona. Nu aver is dat Book doch noch rutkamen. Wenn de Bühn leddig blifft, denn köönt wi doch tominnst nalesen, wat dor allens mit anhangt, an dat Theaterspelen. Na dat Markwoort vun de Flensborger Speeldeel: “Theater is keen Speleri, De Langwil to verdrieben, Wi denkt uns arig mehr darbi, Un so sall’t ümmer blieben.” 

 

Lars Geerdes: Hundert Jahre Niederdeutsche Bühne Flensburg. Eine Chronik. Hrsg. Von der Niederdeutschen Bühne Flensburg. Flensburg 2020, 182 S. 

ISBN 978-3-00-064522-8