27.01.2021

Dat rockt!

As wenn he ut de Tiet fullen weer, so steiht he vörn op dat Ümslagbild: Knipp Gumbo. De Rock’n’Roller ut de 50er Johren. Un so höört he sik ok an, mal mehr bluesig, mal mehr hill-billy. 12 Leder, de Moot maakt in düüster Tieden. De een fangt glieks an to danzen, de anner wippt mit sien Knee so’n lütt beten mit.

Lars Köster hett 7 Stücken sülvst schreven. De annern 5 Leder hett he sik opsammelt bi Johnny Cash, Fats Domino, Shakin‘ Stevens, man ok bi den düütschen Muskant Erich Sellheim. 2 Stücken hebbt en hoochdüütschen Text, 10 sünd platt. Bi dat Söken na de passlichen plattdüütschen Wöör hett Birgit Lemmermann mitholpen un en poor vun ehr Frünnen.

Wat opfallt: Allens in dat Booklet is op Platt, ok woans de Instrumenten heet. De dat lesen will, mütt sik en grote Brill opsetten. Man dat lohnt sik.

 

Knipp Gumbo: Moin. Produzeert vun Steff Ulrich. 2021.
post@knippgumbo.de
www.knippgumbo.de

LC: 05765