13.11.2019

Yared? – Löppt!

Wat beleevt en Minsch mit swatte Huut so allens – in Düütschland un annerwegens. Yared Dibaba vertellt vun sik sülvst. Un he deit dat mit en Smuustergrienen, över sik sülvst un över de annern. Un so resoneert he över Heimat, Mudderspraak un wat em to’n Ossi maakt. Un de Plattsnackers gifft he mit op den Weg: Woso gifft dat egentlich keen Dag vun de plattdüütsche Eenheit?

De Minschen höört Yared Dibaba geern to. He is grundfröhlich, interesseert sik för de Lüüd un vertellt geern. So kennt wi em siet Johr un Dag as Moderator un as Hör-mal-’n-beten to-Mann. En beten ut den Alldag un en beten to’n Mitdenken – also: Woso is „löppt“ veel beter as dat ole „o.k.“?

Op dat Bild vörn op dat Book kümmt he uns as Jan Maat. Ok dat passt allerbest. In de Geschichten sülvst harr een sik wünscht, dat de Schrieversmann en poor mehr Kommas in sien Schrievmaschien funnen harr.

Yared Dibaba: Swatt un Platt. Hamburg : Quickborn-Verlag 2019, 95 S.

ISBN 978-3-87651-458-1

« Zurück