24.05.2020

Vun Noorddüütschland vertellen

Wat höört to Noorddüütschland mit to, wenn een vun dat Land un de Minschen vertellen will – un dat in Literatur? Un wat för en Rull speelt Platt? In dat Kapitel “Heimatliteratur und niederdeutsche Bewegung” wiest Nate noch mal op de Ideologie-Linien, un he nimmt sik Gorch Fock, Rudolf Kinau un Hermann Claudius extra vör. In de neechsten söss Lexen aver nimmt he sik Stücken vun enkelte Schrieverslüüd vör, de he beschrieven un de he utleggen deit – vun Philipp Kniest, Otto Altmann, Wilhelm Lobsien, Alma Rogge, Ludwig Jürgens un Wilhelmine Siefkes.

Richard Nate is Perfesser för Ingelsche Literatur an de Kathoolsche Universität Eichstätt-Ingolstadt. He maakt vör, woans dat geiht: Mit en wetenschaftlichen Blick op noorddüütsche, op plattdüütsche Vertellen daalgahn. 1968 – also vör mehr as 50 Johr – hebbt Dieter Bellmann un Wolfgang Lindow mal en Book in de Oort maakt. De plattdüütsche Literatur hett veel mehr dorvun verdeent.

Mag ja ween un düt Book is en Anfang. Man woneem is se, de plattdüütsche Literaturwetenschaft, de dat opnehmen kunn, wat hier an’t Enn in den “Utblick” steiht?

 

Richard Nate: ”Do weer de Welt so grot”. Norddeutsche Erzählliteratur des frühen 20. Jahrhunderts. Sechs Fallstudien. Königshausen & Neumann : Würzburg 2020, 246 S.

ISBN 978-3-8260-7017-4

« Zurück