29.11.2020

Nu doch noch: Wibbelt 2019

Wat is een Johr? Dat mag een fragen, de jüst dat Augustin Wibbelt-Johrbook för dat Johr 2019 in de Hand kregen hett. Kloor: De Tieden sünd nich eenfach för de plattdüütschen Literatur-Koppels. Un in Corona-Tieden gellt dat dubbelt.

Vun de plattdüütschen Klassikers nimmt sik Robert Langhanke Klaus Groth mit sien Heisterkrog vör. In Unmittelbarkeit des Tragischen nimmt he dat op, wat he in de Festschrift för Thomas Steensen 2018 anleggt hett. Vun "Spätmittelalterliche Schreibsprachen in Westfalen" geevt Robert Peters un Christian Fischer Bericht. Mit de lütten Berichten blifft dat Johrbook heel un deel in Westfalen. Datsülvige gellt för de Bookkritiken. As jümmers goot to bruken: De List mit ne'e plattdüütsche Böker ut Westfalen.

Todacht is dat Johrbook Robert Peters to sien 75. Geboortsdag. An em: Vun Harten Glückwunsch!

 

Augustin Wibbelt-Gesellschaft. Jahrbuch 35 (2019). Münster 2019 [2020], 106 S.

ISSN 0178-6245  / ISBN 978-3-87023-455-3