08.01.2021

Kinnerlederklassiker

Kandidel vun Jan Cornelius – meist 25 Johr is dat her, dat düt Lederbook rutkamen is. Nu is endlich de twete Oplaag dor. Achtern backt en CD an de Binnensiet vun den Ümslag, nu kann ok de ne’e Generatschoon vun Kinner un Öllern de 26 Leder anhören, mit- un nasingen. De Notensatz is eenfacher worrn, hier un dor hett de Melodie ok noch en Dreih kregen. De Texten sünd nu heel un deel na de Schrievregeln för Oostfreesland opsett.

För de ne’e Oplaag hett Gerold Meinen sorgt. Un dat hett sik worraftig lohnt. De meisten Texten hett Jan Cornelius schreven, man dor sünd ok welk vun Greta Schoon un Udo Franken mit bi. Vele Stücken sünd al lang ut de Kinnergoorns un de Grundscholen nich mehr wegtodenken. Un so schall dat ok blieven.

Veronika Peters hett för vele Leder Danzschreed entwickelt un Henwiesen to’n Danzen opschreven. De kann een sik bi info@remove-this.artychoke.de bestellen.

 

Jan Cornelius: Kandidel. 26 Kinnerleedjes up Platt. Liederbuch mit Texten, Noten und CD. 2., überarb. Aufl. ARTyCHOKE : Neustadtgödens und Plaggenhauer Verlag : Lüneburg 2020,. 70 S.

ISBN: 978-3-937949-28-4

« Zurück