19.12.2020

Alldag in't Ollenborger Land

Wat dat Leven den Takt gifft - dat sünd all de Festdaag dör dat Johr un dör dat Leven vun een Minsch; man dat sünd ok all de Saken, de een ganz eenfach över vele Generatschonen weet, de to dat "Volksvermögen" tohöört. Dat is de Grundidee vun den "Plattdüütsch Klenner up dat Jahr 2021" för dat Ollenborger Land.

In dat Kalendarium gifft dat en Barg Henwiesen op spezielle Daag (as de Dag för dat gesunde Eten oder de Teddybär-Dag) un op Veranstaltungen - vun de wi in't eerste halve Johr de meisten woll afschrieven köönt. En Översichtsblatt vör jeedeen Maand wiest op Traditschoonsveranstaltungen in de Region. De lütten Vertellen dorto hebbt 25 Schrieverslüüd levert.

De söss Klennermakers sorgt dorför, dat hier vun vörn bet achtern allens op Platt to Papeer kümmt - ok as Teken dorför, wo lebennig de pattdüütsche Spraak is. Man wenn dor denn vun Bruukdom snackt warrt, denn kümmt dat Hoochdüütsche dor denn woll doch en beten to düütlich vör Dag.

 

De plattdüütsch Klenner up dat Jahr 2021, rutgäven to'n 88. Maal. Rutgävers: De Spieker un de Oldenburgische Landschaft. Isensee Verlag : Oldenburg 2020, 162 S.

ISBN: 978-3-7308-1735-3

« Zurück