22.12.2010 10:12 Alter: 2 yrs
Mönsterlänner Kombo Strauhspier
Kategorie: allgemeinward uttekent mit den Kultuurpries 2010 vun'n Kreis Steinfurt
Vör üm un bi een 30Jahrstied hebbt dree Muskanten in Rheine de Kombo "Strauhspier" grünnt. Dat weer nu wat Anners: fudderhen keen Pop- un Rockmusik up ingelsch, man komponeren un singen up Plattdüütsch. Dat hett slumpt, se vertellt in ehr Leders achtersinnig ut dat Leven in't Mönsterland, över dat däglichendags maal baven, maal nerden, in ehr Wöör: Leevde, Lust un Gröhnkohl. Ok geiht dat daarüm, wat de Lüüd so up den Streek hebben. Daarför hett de Kombo "Strauhspier" nu in Hörstel den Kultuurpries 2010 vun den Kreis Steinfurt kregen. Se sülven sehn sik as "Straupiehr", "den Strohhalm, wo all an fasthollt, de Plattdüütsch nich starven laten wüllt". (FM)