Wenn de Tiet kümmt

Wenn de Tiet kümmt
denn stah ik un denk
bün ik torecht
för dat Kind dor in’n Stall

wenn de Tiet kümmt
denn loop ik un söök
heff ik en Recht
op dat Kind in den Stall

wenn sien Tiet kümmt
denn seh ik dat Kind
un bün torecht
för de Wiehnacht in’n Stall

De Engel keem

En Dag
keem de Engel

Eerst kunn keen sehn
he weer en Engel
he keem
un he harr keen Flünken

Keen kunn dat weten
he weer en Engel
he keem
un he harr veel to doon

Jeedeen kunn föhlen
he weer en Engel
he bleev
un he maak sien Arbeit

Denn kunn een seggen
he weer en Engel
he stünn
un sien Flünken wussen

De Engel
en Dag as he keem

Marianne Ehlers

Is op de Welt kamen un groot worrn an de Westküst in Sleswig-Holsteen. Se leevt hüüt in Bordesholm. Op platt schrifft se Gedichten un Geschichten.