Bethlehem

Twee Straten
as en Krüüz
ik weet nich wohen
wo lang schall ik gahn
wo is de Weg na Bethlehem

Twee Straten
ahn en Schild
ik kiek op mien Koort
wo is blots mien Weg
wo is de Wiespahl na den Stall

Twee Hannen
faat mi an
ik seh en Gesicht
du söchst na en Spoor
du söchst den Weg hen na dat Kind

Twee Flünken
weiht mi an
ik spöör depe Roh
un finn denn de Straat
ik finn den Weg na Bethlehem

Marianne Ehlers

Is op de Welt kamen un groot worrn an de Westküst in Sleswig-Holsteen. Se leevt hüüt in Bordesholm. Op platt schrifft se Gedichten un Geschichten.