Dat Kind

Wiehnacht
en Stall en Krüff dat Kind
in Marias Arm
Gott sien Kind
ünner rode Rosen
dat Kind is schöön
un de Engels singt

Wiehnacht
en Bild mit Krüff un Steern
in‘n sülvern Rahmen
Gott sien Kind
achter dünne Schieven
as braken Glas
wenn de Engels singt

Wiehnacht
de Welt in Angst ohn Steern
in en tweie Land
Gott sien Kind
twüschen Noot un Hunger
hett braken Broot
wenn de Engels singt

Marianne Ehlers

Is op de Welt kamen un groot worrn an de Westküst in Sleswig-Holsteen. Se leevt hüüt in Bordesholm. Op platt schrifft se Gedichten un Geschichten.