Kind inne Krübben

Mudder Maria,
Vaoder Josef,
Deerten, Schäpers
un Könige,
glieks dreie,
kieket still up di
seihet dat Lecht
wedd künnig
de Wiehnacht

Wiehnachtsdöör

Achter de Döör
wacht´ dat Leven.
Klopp an!
Faat an de Klink!
Wäs nich bang!
Wat achter de Döör
up di teuven deit,
is Levde –
dör un dör.

Wiehnachten

Klopp an!
Wäs nich bang!
Wat achter de Döör
up di teuven deit,
will binnen in di wahnen.

Heinrich Siefer

Ik kaom gebüttig ut Liener, een lüddek Dörp in de Gemeinde Linnern in ´n Landkreis Cloppenborg; bün dor uk plattdüütsch upwassen. Ik wahne vandage in de Stadt Cloppenborg. Plattdüütsch Gedichte schrieven is för mi sowat as Biller maalen. Dat Plattdüütsche heff so väle Wöör, de forts Biller upkaamen laatet, man uk forts een passen´ Rahmen dorto heff.