Ik?

Ik sitt in de Dönz
in 'n bullerig-warm-hartig-trulichen Kersenschien
in mien Lehnstohl.
Ik plier in dat leddig leddern Leesbook
un luer, dat mi ´n dannen-gröön-lyrische Ader
in mien brede Bost bassen will.
Man woveel ik ok wurach,
in mien Adern wüllt wohraftig keen winterwarm Wöör wassen.
Rekent also nich mit mi!

Hartmut Cyriacks

Rechten an dat Bild: Werner Struss

Hartmut Cyriacks kümmt ut Achim in Neddersassen. He wahnt in Hamborg un översett Theater- un Höörspeeltexten, Romanen, Comics, synchroniseert för’t Fernsehen, schrifft för’t Museum un för de Werbung - un mitünner ok plattdüütsche Wiehnachtsgedichten.