Bethlehem daarna

De Lüchten sünd vergangen.
Dat Krübbenspill is daan.
De Heerders mit hör Stangen
Sünd mit de Schapen gahn.

Maria un hör Josef,
De sünd al up de Flüggd.
De Stall in Duustern windscheev.
Keen Steern in golden Lücht.

Dat Volk hett sük verlopen.
Ik stah allennig daar.
Mien Stimm hett sük verkropen
Achter de Iepernscharr.

De Krübb, de steiht verlaten.
Dat Christkindje is weg.
Sien Ollen up de Straten,
En anner Weg torügg.

Herodes sien Suldaten
Sünd achter Jungens an.
Se willen dat Christkind faten
Un dat vermoorden dann.

Was dat mien bliede Böskupp
Hier bi dat Krübbenspill?
Was dat de hele Bliedskupp?
De Marktplatz musenstill.

So stah ik daar allennig,
Kiek up de duuster Stadt
Un föhl mi nu al schüllig
Un weet mi heel keen Raad.

Hans-Hermann Briese

Dr. med.
Norden (Ostfriesland)

Arzt und Schriftsteller;
Ostfriese und Heimatdichter
Amtsarzt und Mundartautor;
Chirurg und Woordensnieder;
Unfallchirurg und Verseschmied;
Flottenarzt und Seepoet;
Sportarzt und Kurzprosaist;
Betriebsarzt und Wortarbeiter;
Sozialmediziner und Sprücheklopfer.