Bethlehem - un 1945 Johr´ later

„Hendreven un alleenlaten to de Wiehnach´ . . .

In´t anner´ Land, in´t frömde Dörp,
an Hilligabend, blangan de Kark
stünn heel bang de Junggast,
in afreten´ Kledaasch, ohn´ Oorden,
ohn´ Verstah´n,
mit angstfrogen´ Ogen,
un - minner as alleen.

Binnen t´Gottshuus Örgel un Chorsang:
Sti-hil-le Nacht,
hei-li-ge Nacht . . .“

Binnen em swiemeln´ Lerrigkeit, dudeln´ Hollheit.

So stünn he, looslaten, ohn´ Help,
vör den Granitsteen mit de Namens -
Namens vun toveel Lüüd,
de sik mit sien´ Vader un Grootvaders
nich verdragen dröffen.

Wiehnach´ 1945 - an Hilligabend - alleenlaten.

Man: Alle de Johren wedder kummt da-hat Christuskind . . .

Guschen J. Heitmann

1936 in Winsen (Luhe) op de Welt kamen; de Spraak vun sien Moder weer dat Winsener Elvmarschen-Platt. Schrifft siet 1996 op Platt, un hett ok al en Reeg Priesen kregen.
2005 - 2013 Beopdragter för de plattdüütsche Spraak in Celle