Texten vun uns Lesers

So Düütschland Weltmeister warrt,
so dee ik jubileren.
So Düütschland Weltmeister warrt,
so will ik mi verbarmen
över de
de verloren hebbt,
de so trorig,
de in ehr Stolt so besehrt sünd,
de so veel Tranen vergaten.
Verbarmen ja,
man denn is
Düütschland Weltmeister!

mit fouls un nix

ohn Kopp un Ball

de so spelen will

de is mall

Football

Tweeuntwintig Mann
loopt dor achteran,
achter eenen Ball.
Mann, is dat nich mall!

           Kerls in korte Büx
           weet sünst anners nix,
           as den Ball to jagen
           as so lütte Blagen.

Hett een em to packen,
smitt he ’n Kopp in’n Nacken,
dribbelt wunnerbar
un schütt op dat Door.

           Ball in’n hogen Bagen
           is vörbi man flagen.
           Geiht de Birseree,
           los nu jüst op’t Nee'.

Rennen, jagen, scheten,
nu wüllt se dat weten.
Alle Mann na vörn,
nu willt wi dat bör’n.

           Dor, een hett em drapen!
           Un at Door is apen.
           Is de Ball denn binnen,
           schöölt se ’t Speel woll winnen.