Snaaksche Lüüd

Dat gifft ja Minschen, de sünd en beten anners, scheert sik nich üm dat, wat anner Lüüd över jüm seggt. De een driggt kakelbunte Kledaasch, de anner hett Tatoos op dat hele Liev. Noch wedder en anner warrt dat nich wies, wenn he in'n Weg is. En beten gediegen sünd düsse Minschen woll. Se maakt faken nich dat, wat begäng is un wat de Gesellschaft verlangt. Se gaht jümehr egen Weg.

Wat is dat blots för en snaakschen Keerl! Dat seggt wi af un an över den, de nich so is, as wi dat wennt sünd. Man wat weer de Welt ahn snaaksche Lüüd? Sachts teemlich langwielig ...

Autoren vun de Schrievwarksteed in Sleswig-Holsteen hebbt Geschichten över snaaksche Lüüd schreven. De gifft dat in'n April hier pö a pö to lesen.

Wi wünscht veel Pläseer mit de snaakschen Lüüd!