De Heringsalaatünnerscheed

Siet dat ik denken kann – weet gor nich, wann ik anfungen heff - gifft dat bi us to'n Hilligen Avend Bremer Heringsalaat. Mien gröttstet Plaisir weern Rogen un Melk vun de Hering. Vundaag dröfft se de nich mehr verköpen, vunwegen de Wörm. Miene Moder hett den Salaat jümmers blots mit Hering maakt. Man ehre Süster, de mit een ostpreuss'schen Junker verheiraadt weer, de nehm jümmers ok noch Swienebraden dorto. Dat geiht gor nich, hett miene Moder seggt, dat is ja woll abasig. Se sünd nienich övereen kamen.

Vundaag snibbel ik jümmer den Braden för den Salaat. Deit mi Leed, Muddi!

 

Walter Henschen

is en echten Bremer Jung. He is Spreker vun den Runnen Disch Plattdüütsch for Bremen un Bremerhoben uni s Liddmaat in den Bunnsraat för Nedderdüütsch.