20.01.2020

Yared Dibaba kriggt Schmidt-Barrien-Pries

Liljendahl, 7. März: Utteeknung för en Medien-Mann, de de plattdüütsche Spraak mit siene fründliche noorddüütsche Oort in all Wahnstuven rinbringt. De Lüüd möögt em: "Dat is een, to den kannst Du seggen." Un se luustert to, wenn he wat to vertellen hett.

Sien Gesicht höört dorto, wenn vun dat ne'e Ansehn vun Platt snackt warrt: Feernseh-Mann, Entertainer, Moderator, Schriever, Schauspeler, Höörbook-Stimm. För allens dat steiht de öffentliche Minsch Yared Dibaba. För dat, wat he allens för de Regionalspraak un ehr Image daan hett, warrt he mit den Heinrich-Schmidt-Barrien-Pries 2020 uttekent.

Den Pries gifft de "Freundeskreis Dat Huus op'n Bulten" rut - ok düt Mal wedder in de St.-Jürgen-Kark in Liljendahl.