11.12.2017

Tostännig för Platt: Pastorin Imke Schwarz

Vun den 1. Januar op an hett de Hannoversche Lannskark en nee'e Plattdüütsch-Beopdragte. Imke Schwarz is in Oostfreesland groot worrn, un dor hett se ok ehr Platt her. 11 Johr weer se Pastoorsche in Hittfeld, nu övernimmt se en halve Steed bi dat Pastoralkolleg in Loccum. De twete halve Steed is denn för Plattdüütsche Verkündigung. De Arbeitsgemeinschaft Plattdüütsch in de Kark Neddersassen / Bremen sammelt noch Geld för de Steed - denn 10.000 Euro mööt de Plattdüütschen sülvst opbringen.

Dat Amt övernimmt Imke Schwarz vun Anita Christians-Albrecht, de an 9. Dezember in en Gottsdeenst ünner das Motto "Maak den Weg trecht" verafscheed worrn is. 15 Johr lang hett se sik in de evangeelsche Lannskark Hannover för Plattdüütsch insett. Siet den 1. Dezember hett se nu dat Leit vun den "Bereich Altenseelsorge im Zentrum für Seelsorge" in Hannover".