29.10.2017

Pries för Poppentheater

Meist 15 Johr gifft dat nu al Poppentheater in den Heimatvereen Varl-Varlheide. Dorför hebbt se düt Johr den "Nachwuchspreis des Westfälischen Heimatbundes" erhalten. Se boot de Poppen sülvst un de Kulissen ok. Se schrievt jümehr Stücken sülvst, denn se wüllt en Stück afrücken vun dat, wat an Themen un Klischees op plattdüütsche Bühnen normal to sehn is. Un noch wat: Bi't Poppenspeel kaamt vele junge Minschen dat eerste Mal mit Platt in Kuntakt, un de een oder anner blifft dorbi. Denn för Jung un Oolt gellt: Spaaß steiht bavenan.