29.10.2017

NRW: Nu ok mit plattdüütsche Oortsschiller

"Beitrag zur Identitätsstärkung"

Dat een oder anner Schild mit den hooch- un den plattdüütschen Naam op, steiht al en poor Johr - nu hett endlich de Lannspolitik in NRW seggt, dat se nix mehr gegen Oortsschiller in twee Spraken hebbt. Noch 2016 harr dat heten: Wenn op so'n Schild twee Namen opstaht, denn bringt dat de Autofohrers dör'nanner. Heimatministerin Ina Steinbach süht dat nu anners un will so'n Andrääg Stütt geven.

Wat fehlt, is en Fohrplaan för de Städte un Gemeenden, de Schiller in twee Spraken opstellen wüllt. Dat langt eben nich, dat Düsseldörp de Saak heel un deel afgifft. En Richtlinie, op de sik all verlaten köönt, schull nu eerstmal kamen.