12.05.2015

Nich jeedeen Bumerang kummt trüch!

Dirk Römmer leest un vertellt vun Australien

Meist 7 Johr hett Dirk Römmer op de anner Siet vun de Welt in Sydney/Australien as Paster vun de Düütsche Gemeend arbeidt. He weer dor mit all sien Lüüd henreist. De lüttste Dochter keem dor op de Welt. Twüschen Sydney un Melbourne, vun Brisbane bet na den roden Barg in de Mitt vun den Kontinent is he reist un hett dat Land ankeken.

Avends klabastern de Possums över dat Blickdack vun Römmer sien Huus, de groten swarten Fladdermüüs flogen in Swärm vun en poor hunnert Deerten över de Bööm un ok de Slachtervagel greep em an, wenn he den Rasen meihen wull, un hack em de Steern blödig. En heel anner Welt is dat dor. Un nich jeedeen Bumerang kummt trüch!

Vun de Tiet in down under vertellt Dirk Römmer in't INS an’n Dingsdag, den 19. Mai, Klock söven. De Intritt is free.