05.04.2018

Daddeldu för Fofftig Penns

De Fofftig Penns wüllt nich mehr. So hebbt se dat över Facebook in de Welt schickt. Kott vör Wiehnachten maakt de dree Elektro-HipHoppers noch en Kunzert in Hamborg un in Bremen. Weer ok nich licht to, de letzten Johren, wo de een in Berlin, de twete in Gent un de drüdde in Nee York to Huus weer.

Op jeden Fall hebbt de dree ut Bremen-Noord de plattdüütsche Musikwelt asig in Gang bröcht. Platt un Musik un dat Levensgeföhl vun junge Lüüd - dat allens hebbt se allerbest tohoopbröcht.