02.11.2015

Bökermess in Hamborg an 7. un 8. November

Dat 18. Mal gifft dat in Hamborg düt Johr de plattdüütsche Bökermess. An 7. un 8. November kann jeedeen to weten kriegen, wat dat för nee'e Böker gifft.

Sünnavend geiht dat Klock 11 los: Toeerst warrt dat plattdüütsche Book vun't Johr uttekent un de Karl-Mahnke-Theaterpries utgeven. Den ganzen Dag över, un ok Sünndag leest Autoren ut jümehr Böker un de Besökers köönt sik bi de Verlagen Böker, Höörböker un CDs ankieken un ok köpen.

Dat Programm för de Bökermess kann een op de Siet vun de Carl-Toepfer-Stiftung finnen. Intritt köst dat nich.