22.10.2018

Wöör för Kinner

Op twölf Dubbelsieden wiest Biller, wat in de Welt vun junge Lüüd vundaag so allens los is. Un op so'n Bild sünd denn bummelig 20 plattdüütsche Wöör opschreven. So kann een sik to dat Bild dat passliche Woort marken.

Op jeedeen vun de bunten Biller kriggt een veel to sehn - kloor, dat een dor denn ok mit en lütt beten Fantasie Geschichten to vertellen kann. Los geiht dat mit "Mien Tohuus", un över "Op'n Speelhoff" un "Op 'n Boplatz" löppt dat bet hen na "In'n Haav". An't Enn sünd op fief Sieden noch mal de Wöör tohoopstellt.

En poor Wöör höört sik na Oostfreesland an, de meisten aver kaamt ut dat Nordneddersassische - ok wenn dor Wöör bi sünd, de in Platt mehr as Jux-Wöör dörgaht un wenig för en Klöönsnack dögen doot.

Platt för Kinner. Een Woordenbook mit Biller. Biller vun Achim Ahlgrimm. Konzeption un Text vun Ruth un Detlef Reich. Köln : Anaconda Verlag 2018, [31. S.].

ISBN: 978-3-7306-0662-9