01.07.2020

”Was ist was” – to’n Anhören op Platt

„Was ist was“-Böker – de staht in jeedeen Kinnerstuuv. Nu is dat eerste Book in de Serie „Junior“ (also vun 4 bet 7 Johr) rutkamen, dat een sik vun vörn bet achtern op Platt anhören kann. De Tessloff-Verlag hett en heel groten Schritt dorför maakt, dat Kinner sik en Billerbook ankieken un dorto denn den plattdüütschen Text anhören köönt. Dat geiht üm den Buernhoff. Un ok dor is veel vun to hören: De Trecker, de Koh, de Schaap...

Wat een bruukt, dat is en Höörstift. Mit den tippt een op den Text oder de Biller un denn warrt de Höördateien över den Stift afspeelt. För de Lütten is dat en groten Spaaß: Wat maakt dat Schaap – jüst so is dat. Un ganz blangenbi kriegt se denn ok de plattdüütschen Sakentexten över den Stall, dat Feld oder de Oornt mit.

Ümsett hett de Idee de Oostfreeske Landskup, Geld geven hett de VR-Stiftung. Weer ja goot, wenn dor noch vele, vele Sakenböker för de Lütten achterna kaamt – un denn hoffentlich ok in noordneddersassisch oder mekelborgsch Platt.

 

BOOkii. Starter Set. Was ist was junior. Komm mit auf den Bauernhof! Auf Plattdeutsch. Nürnberg : Tessloff 2020.