17.04.2019

Vun Platt na Hooch

Dat is al meist 140 Johr her, dat Wilhelm Rocco siene Geschichten över dat Leven in Bremen opschreven hett. De Romaan „Scheermann & Co.“ is 1881 rutkamen, to en Tiet, as de Schriever sülvst in Halle an de Saale wahnt hett. Un nu köönt wi sien Gesellschaftsbild ut dat Koopmanns-Milieu op Hooch nalesen.

Na „Die Langmut der Liebe“ is dat de twete Rocco-Romaan, de nu op Hooch op den Markt kummt. Översett hett beide Stücken de Bremerin Rita Schloendorff. Se blifft in den Satzboo un de Wöör geern teemlich dicht bi dat plattdüütsche Vörbild. Se will, dat de Lesers vun vundaag wat mitkriegt vun dat Levensgeföhl in’t 19. Johrhunnert. Un vun de Spraak, de dor mit tohöört.

Mag ween un en hoochdüütschen Romaan bringt de Lesers dorto, sik ok de originaal plattdüütschen Stücken vun Wilhelm Rocco antokieken.

 

Wilhelm Rocco: Vom schönen Schein. Ein Bremer Gesellschaftsroman. Bremen : Schünemann 2019, 317 S.

ISBN 978-3-7961-1048-1