18.01.2019

Vun Dieter Bellmann sien Leven

Dat is nu de 3. Band vun dat biographisch Lexikon "Lebensläufe zwischen Elbe und Weser". Vörstellt warrt 88 Lüüd ut Verwaltung, Politik, Kark, Adel, Bildkunst, Musik, Literatur, Naturwetenschaften un Handwark ut de Region. Mit dorbi ok Johann Diedrich Bellmann, schreven hett den Artikel Hans-Hinrich Kahrs.

Dieter Bellmann (1930-2006) weer för de plattdüütsche Literatur un för Plattdüütsch in de Kark in de twete Häft vun dat 20. Johrhunnert een vun de ganz groten Anschuvers. Kort un knapp gifft de Artikel (S. 30-36) dor Utkunft vun. Vun groten Weert is de bibliografische Part - dor kann een sehn, wat Bellmann allens schreven hett un wat anner Lüüd över em schreven hebbt.

En Handvull anner plattdüütsche Schrieverslüüd sünd vörher al vörstellt worrn: In Band 1 stünnen Artikel över Heinrich Behnken (Friedrich W. Michelsen), Friedrich Freudenthal (Jörg Schilling) un Johann-Heinrich Voß (Dirk Hempel). In Band 2 is Heinrich Schmidt-Barrien (Friedrich W. Michelsen) dortokamen. In Band 3 nu: Dieter Bellmann. Un ok düt: Heiner Egge schrifft över de Malerin Ottilie Reylaender.

Lebensläufe zwischen Elbe und Weser. Ein biographisches Lexikon, Bd. 3. Im Auftrag des Landschaftsverbandes der ehemaligen Herzogtümer Bremen und Verden hrsg. von Heike Schlichting. Stade 2018, 373 S.

ISBN 978-3-931879-73-0