18.01.2018

Vun 2 bet 5

Sneewulf – so heet de Scheperhund, de överall ünnerwegens is un nafraagt, woneem denn sien Moors afbleven is. He kann em bi’n besten Willen nich wedderfinnen. Wat he nu op sien Tour so allens beleven deit, dat vertellt düt lütte Book.

Links en Bild un rechts wat to’n Lesen – oder beter: Vörlesen. En lütte Geschicht, de wat opnimmt, wat wi vun Hunnen kennt. Dat se nämlich jümmers snüffelt un nakiekt, wat de Moors noch dor is – bi sik sülvst un bi anner Hunnen ok. För Kinner vun 2 bet 5 kunn dat passlich ween.

De Biller op de linke Siet wiest jümmers blots een Deert (oder ok mal twee). So lehrt wi den Voss, den Haas un Ulli de Uul kennen. Man veel to’n Söken oder Entdecken gifft’t dor nich. Op 14,5 x 10,5 cm kannst aver ok nich veel ünnerbringen.

Caro Sand hebbt al en poor lütte Kinnerböker maakt, 2016 hett se „Kaptein Nauti un dat Söken na Tohuus“ rutbröcht. Frisch översett hett de Geschicht Hannes Frahm.

Caro Sand: Swattsnuut snüffelt achtern. In’e plattdüütsche Spraak överdragen vun Hannes Frahm. epubli 2017, 35 S. Kontakt: PostanCaroSand@gmail.com

ISBN 978-3-7450-2209-4