02.05.2018

Veer Stücken vun Aalkreih

Dat hett wedder dree Johr duert, man nu hebbt de Flensborger Muskaten vun „Aalkreih“ en EP rutbröcht mit veer nee’e Leder op. Vun Country, Folk un Rock is dor wat mit bi – ok wenn dat af un an geern mal en beten wat luder kunn.

„Aalkreih“, dat sünd: Gerri Christiansen (singt un speelt Gitarr), Schorsch Otto (speelt Trummeln), Marvin Opitz (speelt Western Gitarr), Birger Scholz (singt un speelt Bass) un Cuddel Jensen (speelt Steel-Gitarr). Se hebbt al in Rock- un Punk-Koppels mitmaakt. Man hier op Platt kummt geern mal dat Geföhl dör: Un du büst untofräden mit di un dien Läben…

Aalkreih-Plattdüütsch, dat is asig nördlich un ok en beten wildwest – na, so’n lütt beten Spraak-Punk kann ja ok nich schaden.

Aalkreih: Schietegol. CD. Gunner Records. Kontakt: info@aalkreih.de