06.07.2017

Veel mehr as to’n Singen

Vele Johren al hett he Leder sammelt, wi kennt em as Sänger un Entertainer – in düt Book vertellt Jochen Wiegandt de Geschichten, de to bekanntesten Hamborg-Leder tohöört. De een oder anner kann jüm wiss mitfleiten.

Wenn dat üm Hamborg geiht, denn loopt wi mit de Schietgäng un de Kedelkloppers in den Haven un op en Veermaster. Denn geiht dat ok na Rio oder Bombay oder in den nächsten Kroog, an de Elv oder op St. Pauli. De meisten Leder speelt in fröhere Tieden, af un an höört een ok en Stück Romantik rut.

Achter de Leedtexten stickt faken Levenswelten ut Arbeit, Leevde, Schicksal un Minschen. Dor höört denn ok de Autoren mit to. Un vun de weet Jochen Wiegandt en Barg to vertellen: Wat dat nu Hein Köllisch, Hans Leip, Richard Germer oder Gorch Fock is. Vele Leder oder tominnst Stücken dorvun sünd op Platt, de Texten ümto hett Jochen Wiegand op Hooch schreven.

Dat Book kriggt sien Gesicht aver ok vun de velen Biller, de Michael Zapf tostüert hett. Un dor passt denn ok dat moderne Hamborg to de Leder, de vun fröhere Tieden vertellt.

Jochen Wiegandt: Hallo, hier Hamburg! Lieder und ihre Geschichte(n) von Waterkant und See. Hamburg : Edel Books 2017, 256 S. ISBN: 9783841905246