27.12.2019

Ut de Wetenschaft

Dat is de 142. Band vun dat Johrbook, dat Johr för Johr utwiest, mit wat sik de plattdüütsche Philologie opstunns befaten deit – dütmal in 8 Opsätz un 6 Bökerberichten. Dat Thema vun de Johrsversammlung 2018 in Kiel gifft de eersten dree Bidrääg de Richt: Namen. Friedhelm Debus gifft en Överblick, Friedel Helga Roolfs schrifft doröver, an wat een de weiblichen Familiennamen in Westfalen kennen kann, un Jürgen Udolph söcht na Gold in noord- un middeldüütsche Oortsnamen.

<dl> </dl>

Dat is in de Wetenschaft so begäng, dat veel to de Spraak ut de Hanse-Tiet forscht warrt. Mit groten technischen Opwand (Projekt InterGramm an de Uni Paderborn) kann een nu utkloken, woans sik Nedderdüütsch vun dat 13. bet hen na dat 17. Johrhunnert mehr un mehr utboot hett. Dat beschrievt Marie-Luis Merten, Nina Seemann un Marcel Wever.

<dl>

Uns Tiet kümmt in den Blick, wenn Robert Langhanke sik för Plattdüütsch in de School „Lernziele einer Kleinsprachdidaktik“ ankickt. Noch is dat Konstrukt nich veel mehr as en Flickenteppich. Langhanke stellt de Rull vun dat Schrieven un Lesen rut, un vun de klassische Literatur. Dat is en Stück weg vun de moderne Sprakendidaktik – warrt Tiet, dat doröver eernsthaftig diskereert warrt.

Jahrbuch des Vereins für niederdeutsche Sprachforschung. Jahrgang 2019 (142). Wachholtz Verlag : Kiel/Hamburg 2019, 212 S.

ISBN 978-3-529-04242-3
ISSN 0083-5617

</dl>