18.04.2018

Swemmen op Platt

De Swemmen kann, de kann dat sien Leven lang. Un de Swemmen op Platt lehrt hett, de nimmt ok de Spraak mit in sien Leven. Dat is de Grundidee. Mehr as 15 Johr al löppt de Swemm-Ünnerricht an de Grundschool Constantia in Emm op Platt. Dat heet: All Schoolkinner hebbt in de 3. Klass en halv Johr lang twee Stünnen Platt de Week.

Een Booksiet is jümmers för een Speel oder wat to'n Öven: Richtig utaten, En Water vull Gefohren, Seesteern, Tellen un Duken, Dusendbeentje. Allens in klore, eenfache Spraak, de jeeden verstahn kann. Denn kaamt Bispelen för dat Swemmenlehren: Bostswemmen, Rüggswemmen, Startsprung, Duken. An Bispeelstünnen kann een nipp un nau sehn, woans een so’n Ünnerricht opboen kann. Un achtern noch: Baadregeln, en Leed un en Fröhstückslist.

Anke Janssen is de Schoolmestersche, se hett dat Material mit Plie un Verstand tohoopstellt. Un se hett an allens dacht: Ok doran, dat dat Poppier in Folie mütt, dat de Kraam nich natt warrt.

Kieken. Hören. Swemmen. Un dat up Platt! Geiht dat? Ja! Dat wiest de Grundschool Constantia ut Emden. Druck: A. Bretzler : Emden 2018, 48 S.