28.11.2018

Scrooge

Charles Dickens sien „Christmas Carol“ höört to de besten Stücken an Wiehnachsliteratur mit to. Keen kennt em nich, Scrooge, den gnadderigen Giezknüppel un woans he op so’n wunnersame Wies to en Minsch warrt, de sogor wat mit Wiehnachen anfangen kann. Un dat nu op Platt.

Thomas Michael Wulf hett dat engelsche Leesstück in sien mäkelbörger Platt ümschreven. Enkelte Wöör oder Utdrück verkloort he ünnen op de Siet, un an’t Enn vun dat Book steiht ok noch en Glossar. Bi’t Översetten blifft Wulf teemlich dicht bi Dickens – un dat is nich verkehrt, denn de is ja bekannt för sien Spraakkraft.

Wulf hett sik mehr vörnahmen. Storm sien „Schimmelrieder“ hett he al rutgeven. Man dor schall noch mehr kamen.

Charles Dickens: En Wihnachtsleed in Prosa odder Ein Späukvertellers tau Kindjes‘. In’t Plattdüütsch‘ sett’t von Thomas-Michael Wulf. Ludwigslust : Selbstverlag epubli 2018, 223 S.

ISBN: 978-3-7467-6489-4