02.10.2019

Schandaal bi’t Krüffenspeel

De Herdmanns – dat sünd de kiebigsten Gören, de een sik vörstellen kann. Veer Jungs un twee Deerns, de dat Regelwark för’t Tohoopleven op’n Kopp stellt. Un as se nu ok noch de Hauptrullen bi dat Krüffenspeel to Wiehnachten besett, kriegt Werte un Vörstellungen vun dat normale (un mehr noch vun dat richtige) Leven en Knacks.

Barbara Robinson ehr Book is in Düütschland al lang en Bestseller. Henning Venske hett uns all de Kneep in’t Radio vörleest. Un op Platt hebbt de Jungen Lüüd ut Löwenstedt dat Stück al vör 25 op de Bühn bröcht. Nu also as Book op oostfreesch Platt.

Översett hett de Geschicht Wilfried Zilz, Schoolmester an dat Gymnasium Walsrode un Fachberader för Platt in Neddersassen – in dat allerbeste Oostfresen-Platt. Dat heet för all de annern Platt-Lesers: Dat warrt stuur, wenn een dat Book lesen will. So geiht dat los: „De Herdmannkinner wassen de slimmsten Kinner up de hele Welt. Se logen, klauden, rookden Zigarren (sogaar de Wichter) un vertellden swienske Witzen.“

Barbara Robinson: Pass up, de Herdmanns komen! In’t oostfreeske Platt brocht van Wilfried Zilz. Tekens van Wilhelm Schlote. Edition Tintenfaß : Neckarsteinach 2019, 94 S.

ISBN 978-3-947994-12-0