04.04.2018

Reuter – un wat kummt denn?

2017 hett de Reuter Gesellschaft in Ludwigslust över Schrieverslüüd snackt, de den Faden vun Reuter, Groth un Brinckman opnahmen hebbt. Nu kann jeedeen de 11 Vördrääg nalesen. Eenmal geiht dat üm enkelte Autoren: Fehrs, Zierow, de Freudenthal-Bröder, de Bröder Fock un Kinau. Ut de jüngere Tiet is Bellmann dor mit bi. So warrt een Grundlinien vun de plattdüütsche Literatur wies.

Wo dat plattdüütsche Schrieven faken in de Region speelt, kaamt ok Landschaften in den Blick, as de mekelborgsche Oostseeküst oder de Griese Gegend. Dor gifft dat noch en Barg to entdecken. Dat gellt ok för schrieven Froenslüüd. De warrt ja geern vergeten, un jüst dorüm kriegt se hier en extra Opsatz.

Dat Reuter-Johrbook is en faste Brügg twüschen plattdüütsche Literatur, de Wetenschaft dorto un Lüüd, de geern leest. Dat heet ok: Dat een weet man al, dat is anner is würklich nee. De Rutgevers hebbt op jeden Fall en Literatur-Kompendium op de Been stellt, dat wat hermaakt.

2018 dreept sik de Reuter Gesellschaft vun’n 6. bet 8. April in Neebrannenborg.

Literatur in der Nachfolge von Fritz Reuter, Klaus Groth und John Brinckman (Beiträge der Fritz Reuter Gesellschaft 28). Hrsg. im Auftrag der Fritz Reuter Gesellschaft von Christian Bunners, Dieter Stellmacher und Jürgen Grote. Rostock : Hinstorff Verlag 2018, 143 S.

ISBN: 978-3-356-02174-5