30.10.2019

Pig - Schwein - Swien

As dat in't Märken begäng is: De dree lütten Farken schüllt rut in de Welt un sik en egen Huus boen. Een boot ut Stroh, een ut Holt un een ut Steen. Man kann dat gootgahn - wo doch bald de Wulf vör de Döör steiht?

En Book mit bunte Klören, mit swiensplietsche Swien un Biller, in de dat en Barg to entdecken gifft. De dree Spraken staht ünner’nanner, so dat een de goot verglieken kann. Eerst hett David Fermer die Geschicht op Engelsch opschreven. De Biller maalt hett Regina Mayr, de tohoop mit Annika von Holten dat Stück ok in’t Hoochdüütsche översett hett.


Benita Brunnert blifft mit ehren plattdüütschen Text faken en beten to dicht bi dat Hoochdüütsche. För de Vergangenheit schrifft se Verbformen, de dat in dat noordneddersasssche Platt so egentlich nich geven deit.

David Fermer / Regina Mayr: The Story of the Three Little Pigs. Englisch - Deutsch - Plattdeutsch. Hamburg : Amiguitos 2019.

ISBN 978-3-943079-85-2