09.04.2019

Ortsnamen ut dat Suerland

Vun 1500 Dörper un Geemeenden in’t Suerland hett Paul Hufschmidt 2500 Namen sammelt. Anfungen hett he in sien egen Gegend, in Essel (Eslohe), man denn is dat mit de Tiet mehr un mehr worrn. De Sammlergeist hett em faatkregen, schreven hett he an wiet över hunnert Lüüd un telefoneert. Dat Book, dat na fief Johr dorbi rutsuert is, kann sik sehn laten.

Ortsnamen sünd en Deel vun de Identität vun de Minschen. De Minschen weet akraat, woans sik dat anhören deit, dor, woneem se to Huus sünd. För enige Namen gifft dat Varianten – to’n Deel liggt dat an’t Schrieven, to’n Deel ok an’t Öller vun den, de fraagt worrn is, oder an dat Quarteer, in dat he groot worrn is. Düsse Dokumentatschoon müss nu egentlich de Grundlaag ween dorför, dat de Klang in Höör-Dateien fasthollen warrt.

Düsse Ortsnamen staht nich alleen för „ole Kultur“, se staht ok för „lebennige Kultur“. Düsse Indruck geiht en beten verschütt vun de 160 Biller, de Hüüs oder Straten in de Ortschaften vör 50 bet 130 Johr wiest. De Vörslag, de Namen op de Ortsschiller op Hooch un Platt to schrieven, geiht jedenfalls in en Tokunft, de mehr Spraken kennt as een.

 

Paul Hufnagel: Es gab einmal einen Ort, der hieß ... 1500 Sauerländische Ortsnamen in plattdeutscher Sprache. Schmallenberg : Woll-Verlag 2018, 224 S.

ISBN 978-3-943681-90-1