11.04.2018

Nix as Theater

Dat is nu al de föffte Sammlung mit lütte Speelstücken, de de Landschaftsverband Staad rutgeven deit. Dat geiht üm Saken, de junge Lüüd angaht un de in de School en Rull speelt: Mobbing, en betere Ümwelt, Fohrradhelm – ja oder nee?

Schreven hebbt de 24 Sketchen Hans-Hinrich un Bodo Schirmer. Dat sünd eenfache, man jümmers lebennige Dialogen för 2 bet 6 Mitspelers. Kulissen warrt nich bruukt, öven un opföhren kann een allens in de Klass. Dat Spelen steiht bavenan, un dat kann een ok goot mit de Kinner tohoop entwickeln. Un wenn de Jungs un Deerns op düsse Oort ok noch lehrt, Platt to snacken, denn is dat noch beter.

Bestellen kann een de Sammlung bi den Landschaftsverband Staad.

Hans-Hinrich Kahrs und Bode Schirmer: Theater bruukt nich vele Wöör. 24 Gelegenheiten, dat du mal annerseen spelen kannst. Hrsg. vom Landschaftsverband Stade im März 2018.