26.07.2017

Löppt?!

"Na, löppt?" - "Allerbest!" "Mutt ja." Düt Johr harrn de NDR un Radio Bremen opropen, för "Vertell doch mal 2017" en Geschicht to dat Thema "Löppt?" to schrieven. Mitmaakt hebbt mehr as 1.300 Autoren un de besten 25 Geschichten sünd in düt Book to lesen.

Wat is, wenn de Tiet stahn blifft un mitmal nich mehr löppt? Twüschen en Mann un en Fro kann wat lopen - oder ok nich. En Jesuskind ut Schokolaad kann teemlich gau weglopen, wenn de Sünn schient. Un för en Fro, de al doot is, löppt dat allerbest, wenn ehr Plaan opgeiht ...

Düt Johr geev dat bi Vertell doch mal ok en Premiere: Dat eerste Mal is en Pries för junge Schrieverslüüd ünner 18 utgeven worrn. Uttekent worrn is en Schölerin ut Dithmarschen in Sleswig-Holsteen.

Vertell doch mal! Löppt?! Kiel / Hamburg : Wachholtz 2017. ISBN: 978-3529049316