25.09.2019

Klassiker ut de Groafschoap

Sien Naam steiht för de plattdüütsche Literatur in de Graafschap Benthem: Karl Sauvagerd (1906-1992). As Sniederbaas hebbt de Lüüd em kennt - un as een, de bi sik to Huus nipp un nau henkeken hett: Bi de Minschen, Planten un Deerten, dat Land. Gedichten hett he schreven, man ok Vertellen un Romanen. Un ok Theaterstücken.

De Heimatvereen Neuenhaus hett dat Wark in Gang sett: En Book, dat dat Ansehn vun Gerd Sauvagerd gerecht warrt. Un wat Verena Kleymann ut all de lütten un groten Texten tohoopstellt hett, dat kann sik wiss un wohrhaftig sehn laten. Dorto gifft dat en Levensbericht vun Helmut Lensing un an’t Enn steiht en Stück vun Dieter Stellmacher över dat Leven vun Sauvagerd un sien Spraak-Achtergrund - un dat is natolesen op Hooch un op Nederlands.

Dat Book is allerbest maakt: Schrift, Biller Klören - allens passt tohoop. Dat is 11 Johr her, dor hett de sülvige Vereen en Book över un mit Leesstücken vun Carl van der Linde rutbröcht. Düsse Lüüd ganz eenfach, wat en Book utmaken deit.

„De Tied blif Baas“. Karl Sauvagerd. Ausgewählte Texte und ein Lebensbild. Hrsg. i. A. der Heimatfreunde Neuhaus von Berend Vette und Klaus Vorrink. Neuhaus o.J. [2019]

ISBN 978-3-9818393-7-1