15.05.2019

Kinnerbookklassiker

1907 hett Elsa Beskow „Olles skidfärd“ dat eerste Mal as Book rutgeven. Op Sweedsch. Siet de Tiet is dat, wat de lütt Jung op siene neen Skier beleven deit, en Klassiker. Unkel Ruugfrost, de ole Fro Dau un natüürlich König Winter, denn Sneeballslacht un Strietschohlopen – hier is allens op Steed in de Kinnerwinterwelt.

Översett hett dat Stück Margrit Hansen. Se schrifft dat meiste na Sass, man een kann ok rutkennen, dat ehr Platt ut den Lannsdeel Schleswig is. Un wat se översett hett, kann sik sehn laten.

Weer ja nich verkehrt, wenn düt Book en Anfang weer för en Reeg Kinnerbookklassikers, de bi de Futura Edition in Bad Harzburg rutkaamt. Jüst de olen, kloren Biller passt ok vundaag noch in uns Welt.

 

Elsa Beskow: Okes Skifohrt. Aus dem Schwedischen ins Niederdeutsche übersetzt, herausgegeben und mit einem Nachwort versehen von Margrit Hansen. Bad Harzburg : Futura Edition 2018, 28 S.

ISBN 978-3-92483-446-3