18.09.2019

Kamishibai

Arp Schnitger siene Orgeln höört mit to de besten. Üm un bi 170 Stück hett he mit sien Lüüd boot. De staht nich blots in Noorddüütschland, man ok in England, Russland, Portugal oder Brasilien. 2019 is dat nu 300 Johr her, dat Schnitger dootbleven is. Dat gifft Orgel-Festivals, man in en Reeg vun Karken warrt ok Theater speelt - un dat op Platt.

Na de Oort vun dat japaansche Vertell-Theater hett Hans-Hinrich-Kahrs Schnitger sien Levensgeschicht tohoopstellt. Op Hooch un op Platt. To de teihn Texten gifft dat teihn Biller to sehn, de en Stück vun dat wiest, wo dat op ankümmt. De Bildkoorten hett Elli Brockmann in klore Klören un Formen maalt. Un dorto köönt korte Theaterszenen speelt warrn.

Rutgeven hett dat Billersammelwark de Vereen „De Plattdüütschen“. Dat Leven rinkümmt in de Karken mit Schnitger-Orgeln överall in’t Land. Un dat junge Lüüd Freid an’t Theaterspelen kriegt.

Hans-Hinrich Kahrs / Elli Brockmann: Arp Schnitger (1648-1719). Der Mann, der Töne „schnitzte“. Aus dem Leben des Orgelbauer. - De Keerl, de Töäön „snittjern dee. Ut dat Leven vun den Örgelbuer. Hrsg.: De Plattdüütschen e. V. Stade 2019. Plattdüütsch-Büro: steffen@landschaftsverband-stade.de