04.02.2019

Hund, Katt, Hahn un Esel

200 Johr Bremer Stadtmuskanten – wenn dat keen Grund is, dor en Lees- un Vörlees-Spektakel vun to maken. De „Bremer Leselust“ hett lütte Heften mit dat Märken rutbröcht – nu al in teihn Spraken: Arabisch, Chineesch, Düütsch, Engelsch, Nedderlannsch, Polnisch, Spaansch, un Törksch – un Plattdüütsch.

De Schauspeler, Regisseur un Moderator Dirk Böhling hett de Geschicht in de plattdüütsche Spraak rinhaalt. Wat Betert as den Dood finnst du överall – ünner düt Motto maakt sik de ole Esel, de klöterige Hund, de möde Katt un de heesterig Hahn tohoop op den Weg. Den Restkennt jeedeen: Un wenn se nich dootbleven sünd...

Dat Stück warrt kort un frisch vertellt. De Biller dorto hett Andreas Röckener maalt. Dat de Leselust nu ok dat Lesen op Platt Stütt geven will, dat is wohrhaftig en gode Saak. As Motto steiht achtern op dat Book op: Lesen maakt plietsch!

 

Dirk Böhling: De Bremer Stadtmuskanten. BremerLeseLust, Georg-Grönig-Straße 33, 28209 Bremen. Bremen 2018 [20 S.]